AYITI : KÒMANSE PA GEN MEDIKAMAN NAN FAMASI YO

Aktyalite / nasyonal  

Pa : Dan Cuschi BAPTISTE 

Depi lè yo anonse fèmeti  ayewopò tousen louvèti a , sa gen gwo enpak nan tout sektè nan Pòtoprens lan , pase pran vil provens yo tou  , menm sektè medikal la pa epanye .

Etajè nan yon famasi an Ayiti 

Jean Hugues Saint Jean,  prezidan asosyasyon famasyen dayiti an , ki te sou radio Magik 9 vandredi an , fè nou pa de pwoblèm grav sa ke famasi yo ap konnen depi dènye moman sa yo . Li denonse konsekans grav blokaj chènn aprovizonman materyel medikal esansyèl yo ak medikaman . Selon li menm , pètibasyon sa yo provoke reta nan livrezon enpòtan,  e deja manke medikaman , sa ki met sante popilasyon an nan pi gwo difikilte .


"Pò a , ak ayewopò a ki fèmen bridsoukou , pral fè gen reta nan livrezon yo , epi pa menm gen medikaman" , alète Jean Hugues Saint Jean , ki tou presize gen difikilte pou bay vil pwovens yo medikaman,  kote ke wout yo bloke , sa ki met an danje sante popilasyon an .

" Aktyèlman nan vil Okay , pa gen ase  Dolutégravir 10 mg , yon antiretwoviral ke yo itlize pou trere timoun ki gen VIH SIDA " , toujou daprè Jean Hugues , ki tap montre jounalis Magik 9 yo , enpak apwovizonman ki pa sèlman rete nan kapital la sèlman .

Kriz medikaman sa , pap sèlmn rete sou enpak sa genyen sou sante fizik sèlman. Sa k enpak sou sante mantal popilasyon an , ki pap gen konfyans nan sistèm sante a ,  ki ka tou lage kòl nan chache medikaman pou tèt li .

Epi sitiyasyon kriz sa , ap tou profite kontrebandye yo pou y'al fè fo medikaman met sou mache a pou agrave kriz , epi peyi a pa menm byen ekipe pou kontwole sikilasyon fo medikaman yo .

Fas a kriz sa , nimewo en asosyasyon famasyen dayiti a , mande otorite yo pou pran mezi pou retabli enfrastrikti yo , e  sekirize wout yo .